Tambov viloyati IIV migratsiya masalalari boshqarmasi 2026-yilning yanvar-avgust oylari uchun hisobotini taqdim etdi. Unga ko'ra, mintaqada migratsiya qonunchiligiga rioya etilishini nazorat qilish bo'yicha 2955 ta tadbir o'tkazilib, 1579 ta ma'muriy bayonnoma rasmiylashtirildi.
Hisobot davrida migratsiya tartibini buzgan 271 nafar xorijiy fuqaro Rossiya hududidan chiqarib yuborildi. Shuningdek, qonunchilik talablarini bajarmagan shaxslarga nisbatan 614 ta holatda mamlakatga kirishni taqiqlash bo'yicha taqdimnomalar kiritilgan. Bundan tashqari, xavfsizlikka tahdid solishi mumkin bo'lgan 43 nafar xorijlikni deportatsiya qilish to'g'risida qaror qabul qilingan.
Migratsiya sohasidagi nazorat choralari kuchayishi natijasida vaqtinchalik yashash ruxsatnomalari va yashash guvohnomalarini olishda qoidabuzarliklar aniqlanib, ushbu hujjatlarni berish ko'rsatkichlari sezilarli darajada kamaydi. Shuningdek, soxta ro'yxatga olish holatlari bo'yicha 35 ta jinoyat ishi qo'zg'atilgan.
Rasmiy ma'lumotlarga ko'ra, Tambov viloyatida xorijiy fuqarolar tomonidan sodir etilgan jinoyatlar soni 58,1 foizga qisqargan. Viloyat IIV migratsiya oqimini nazorat qilish va noqonuniy migratsiyaga qarshi kurashish bo'yicha tizimli choralar davom ettirilishini ma'lum qildi.
