Yahudiy avtonom viloyati hududida «Noqonuniy migrant-2026» tezkor-profilaktika operatsiyasining ikkinchi bosqichi davom etmoqda. Birobidjan shahrida Rossiya IIVning mazkur viloyat bo'yicha migratsiya masalalari boshqarmasi xodimlari tomonidan 3 nafar xorijlik fuqaroning soxta ro'yxatga olingani aniqlandi.
Politsiya surishtiruvlari natijasida 44 yoshli mahalliy fuqaro o'z uyida Markaziy Osiyo davlatlaridan biridan mehnat faoliyatini amalga oshirish uchun kelgan 3 nafar xorijlikni haqiqatda yashash niyati bo'lmagan holda ro'yxatga qo'ygani ma'lum bo'ldi. Uy egasi xorijliklar ushbu manzilda doimiy yashamasligini oldindan bilganini tan olgan.
Ushbu holat yuzasidan Rossiya Jinoyat kodeksining 322.3-moddasi («Rossiya Federatsiyasida xorijiy fuqaroni yoki fuqaroligi bo'lmagan shaxsni turar joy bo'yicha soxta ro'yxatga olish») bilan jinoyat ishi qo'zg'atildi.
Qonunbuzarlik oqibatida ro'yxatdan o'tgan 3 nafar xorijlik fuqaroning huquqiy maqomi bekor qilinadi. Shundan so'ng, ular Rossiya Federatsiyasi hududini tark etishga majbur bo'ladilar.
