Yekaterinburg shahrining Jyeleznodorojniy tumanidagi omborxonalardan birida huquq-tartibot organlari tomonidan keng ko'lamli reyd o'tkazildi. Tekshiruv davomida 45 nafar xorijlik fuqaroning hujjatlari va ularning Rossiya qonunchiligiga rioya etishi o'rganildi.
Rossiya Tergov qo'mitasining Yekaterinburg garnizoni bo'yicha harbiy tergov bo'limi xodimlari tomonidan olib borilgan tadbir natijasida 12 nafar xorijlik fuqaro Rossiya hududida noqonuniy yashayotgani aniqlandi. Ushbu shaxslarga nisbatan mamlakatdan chiqarib yuborish bo'yicha tegishli choralar ko'rilmoqda.
Shuningdek, tekshiruv jarayonida 10 nafar xorijlik fuqaro harbiy komissariatga yuborildi. Ularga harbiy hisobga turish bo'yicha chaqiruv qog'ozlari topshirildi. Rasmiylarning ma'lum qilishicha, bunday tadbirlar migratsiya qonunchiligi ustidan nazoratni kuchaytirish maqsadida tizimli ravishda amalga oshirilmoqda.
Migrantlarga o'z hujjatlarini doimiy ravishda tartibda saqlash va migratsiya qoidalariga rioya qilish tavsiya etiladi.
