SOS
Hujjatlar

Migrantlarga xizmat ko'rsatuvchi vositachi firmalar faoliyati cheklanishi mumkin

Migrantlarga xizmat ko'rsatuvchi vositachi firmalar faoliyati cheklanishi mumkin

Rossiya Davlat dumasi deputati Sergey Mironov Ichki ishlar vazirligiga (IIV) murojaat qilib, mehnat migrantlariga davlat xizmatlarini ko'rsatishda vositachilik qiluvchi tijorat firmalari faoliyatini to'xtatish zarurligini bildirdi. Deputatning ta'kidlashicha, ushbu sohada korrupsiya holatlari ko'payib bormoqda.

Siyosatchi ushbu taklifini Rossiya IIV huzuridagi «Pasport-viza servisi» (PVS) tizimida kuzatilayotgan qator mojarolar bilan izohladi. Xususan, Yekaterinburgdagi filialning sobiq rahbari 1,24 milliard rubl miqdorida noqonuniy daromad olganlikda ayblanmoqda. Mironovning so'zlariga ko'ra, so'nggi yillarda Kamchatka, Novosibirsk, Ivanovo, Bryansk, XMAO, Nijniy Novgorod, Barnaul va Vladimir shaharlaridagi filial rahbarlari ham turli jinoiy ishlar bo'yicha tergovga tortilgan.

Deputatning fikricha, migrantlar uchun hujjatlarni rasmiylashtirish jarayoni davlat tomonidan to'liq nazorat qilinishi va belgilangan tariflar asosida amalga oshirilishi kerak. U tijorat vositachilarining ishtirokini taqiqlash orqali migrantlarning ortiqcha xarajatlarining oldini olish va tizimda shaffoflikni ta'minlashni maqsad qilgan.

Mironov, shuningdek, ayrim vositachilarning faoliyati migrantlar oqimini nazoratsiz qoldirishdan manfaatdor ekanligini ta'kidlab o'tdi. Uning so'zlariga ko'ra, davlat xizmatlarini ko'rsatishda faqat davlat organlarining monopoliyasi saqlanib qolishi kerak.

17.11.20261