Chelyabinsk shahrida huquqni muhofaza qiluvchi organlar tomonidan noqonuniy migratsiyani tashkil etish bilan bog'liq holat fosh etildi. Tergov ma'lumotlariga ko'ra, mahalliy fuqaro o'ziga tegishli bo'lgan beshta turar joydan birini xorijiy fuqarolarni soxta migratsiya hisobiga qo'yish uchun foydalanib kelgan.
Rossiya IIVning Chelyabinsk shahri bo'yicha “Leninskiy” politsiya bo'limi xodimlari tomonidan olib borilgan surishtiruv ishlari natijasida ushbu shaxsning 41 ta jinoyat epizodi aniqlandi. Mazkur holat yuzasidan Rossiya Jinoyat kodeksining 322.3-moddasi bilan jinoyat ishi qo'zg'atilib, tergov harakatlari o'tkazildi.
Leninskiy tuman sudi qaroriga ko'ra, ayblanuvchiga 500 000 rubl miqdorida jarima jazosi tayinlandi. Shuningdek, sud qarori bilan xorijliklarni soxta ro'yxatga olishda foydalanilgan, qiymati 4 million 841 ming rublga teng bo'lgan kvartira davlat foydasiga musodara qilindi.
Ushbu holat migratsiya qonunchiligini buzish, xususan, soxta ro'yxatdan o'tish jiddiy huquqiy oqibatlarga olib kelishini ko'rsatadi. Huquq-tartibot idoralari migratsiya sohasidagi qonunbuzarliklarni aniqlash va ularning oldini olish bo'yicha nazoratni kuchaytirganini ma'lum qilmoqda.
