Xanti-Mansiysk avtonom okrugi sudi migrantlarni noqonuniy qonuniylashtirishda ayblangan jinoiy guruh a'zosiga nisbatan chiqarilgan hukmni o'z kuchida qoldirdi. Sud qaroriga ko'ra, ayblanuvchi 4 yil-u 6 oy muddatga umumiy tartibli koloniyaga joylashtirildi va 1,1 million rubl miqdorida jarimaga tortildi.
Prokuratura ma'lumotlariga ko'ra, jinoiy guruh 2022-yildan 2024-yilgacha bo'lgan davrda soxta hujjatlar yordamida 223 nafar xorijlik fuqaroning Rossiyada noqonuniy qolishiga ko'maklashgan. Shuningdek, 2023–2024-yillarda guruh a'zolari rus tili, Rossiya tarixi va qonunchilik asoslari bo'yicha imtihonlarni soxta yo'l bilan o'tkazib, yana 243 nafar migrantning qonuniylashtirilishiga sababchi bo'lishgan.
Sud jarayonida ayblanuvchi o'z aybiga to'liq iqror bo'lgan. U jinoiy uyushmada ishtirok etish, xorijliklarni soxta ro'yxatga olish va ularning noqonuniy bo'lishini tashkil etishda aybdor deb topildi. Himoya tomonining apellyatsiya shikoyati qanoatlantirilmadi va sud hukmi qonuniy kuchga kirdi.
