SOS
Hujjatlar

Yamalo-Nenets okrugida 6 nafar migrantning rus tili sertifikatlari bekor qilindi

Yamalo-Nenets okrugida 6 nafar migrantning rus tili sertifikatlari bekor qilindi

Yamalo-Nenets avtonom okrugining Labitnangi shahrida prokuratura talabiga binoan 6 nafar xorijlik fuqaroning rus tili, Rossiya tarixi va qonunchiligi asoslarini bilishini tasdiqlovchi sertifikatlari bekor qilindi. Bu haqda "Yamal 1" nashri xabar bermoqda.

Aniqlanishicha, mazkur hujjatlar 2022-yilda noqonuniy ravishda berilgan. Shaharda pul evaziga migrantlarning bilimini tekshirmasdan, soxta sertifikatlar tayyorlab beruvchi guruh faoliyat yuritgan. Hozirda ushbu shaxslar tomonidan berilgan hujjatlar sud tomonidan haqiqiy emas deb topildi.

Sud nazorat idorasining talabini to'liq qanoatlantirdi. Endilikda prokuratura sud qarorining ijro etilishini nazoratga oladi. Ushbu holat migrantlarning Rossiyada qonuniy maqomga ega bo'lish jarayonida qalbaki hujjatlardan foydalanishi jiddiy huquqiy oqibatlarga olib kelishini ko'rsatadi.

16.11.20263