Yekaterinburgdagi Koltsovo aeroporti hududida Rossiya IIV transport bo‘limi xodimlari tomonidan "Xorijiy fuqaro" nomli profilaktik aksiya tashkil etildi. Tadbirdan ko‘zlangan asosiy maqsad xorijdan kelgan mehmonlarga Rossiya qonunchiligining nozik jihatlarini tushuntirish va migratsiya qoidalari buzilishining oldini olishdan iborat.
Suhbat davomida politsiya xodimlari xorijlik fuqarolarga mamlakatdagi an’analar va madaniy qadriyatlarga hurmat bilan munosabatda bo‘lish muhimligini eslatib o‘tdilar. Shuningdek, jamoat joylarida o‘zini tutish qoidalari hamda huquqiy normalarga rioya qilish ham xorijliklar, ham mahalliy aholi uchun xavfsiz muhitni ta’minlashda asosiy omil ekanligi ta’kidlandi.
Bundan tashqari, huquq-tartibot organlari vakillari transport infratuzilmasi ob’ektlarida xavfsizlik qoidalari bo‘yicha tushuntirishlar berdilar. Tadbir yakunida xorijlik fuqarolarning savollariga javob berilib, ularga tegishli eslatmalar va ma’lumotnomalar tarqatildi.
