Orenburg shahrida xorijlik fuqaro yo'l-patrul xizmati xodimiga pora berishga urinishda gumonlanib qo'lga olindi. Voqea shahar markazidagi Dzerjinskiy shoh ko'chasida sodir bo'lgan.
Rossiya IIVning Orenburg shahri bo'yicha boshqarmasi xodimlari yo'l harakati qoidasini buzgan, ya'ni piyodaga yo'l bermagan «Lada Granta» avtomobilini to'xtatgan. Tekshiruv davomida 40 yoshli haydovchining transport vositasini boshqarish huquqini beruvchi hujjatlari yo'qligi aniqlangan.
Ma'muriy javobgarlikdan qutulib qolish maqsadida haydovchi inspektorga 3000 rubl miqdoridagi pulni avtomobil eshigi cho'ntagiga tashlab, pora sifatida bermoqchi bo'lgan. Huquq-tartibot organlari xodimlari uni bunday harakat jinoyat hisoblanishi haqida oldindan ogohlantirganiga qaramay, u o'z niyatidan qaytmagan.
Voqea joyiga tergov-tezkor guruhi chaqirilgan. Hozirgi vaqtda xorijlik fuqaroga nisbatan Rossiya Jinoyat kodeksining 291.2-moddasi 1-qismi (mayda poraxo'rlik) hamda 30-moddasi 3-qismi (jinoyatga tayyorgarlik ko'rish va jinoyatga suiqasd qilish) bo'yicha jinoiy ish qo'zg'atilgan.
Sud tomonidan gumonlanuvchiga nisbatan yashash joyidan chiqib ketmaslik va tegishli xulq-atvor saqlash tarzidagi ehtiyot chorasi qo'llanilgan.
