Sankt-Peterburgda yashovchi xorijlik fuqaro o'z sherigiga nisbatan tajovuzkorlik qilgani uchun politsiya tomonidan qo'lga olindi. «Mash na Moyke» kanalining xabar berishicha, mojaro yigit va qiz o'rtasidagi munosabatlarga barham berish jarayonida yuzaga kelgan.
Ma'lumotlarga ko'ra, xorijlik fuqaro ruhiy xastalik tufayli kuniga 12 dona dori vositasini qabul qilib kelgan. Biroq, tibbiy muassasaga tashrif buyurganidan so'ng, shifokorlar tashxisni qayta ko'rib chiqib, dori dozasini kamaytirishgan. Shundan so'ng yigit o'z sherigiga nisbatan tajovuzkorlik ko'rsata boshlagan.
Qiz munosabatlarni uzishga qaror qilganida, yigit avvalroq sovg'a qilgan buyumlari va xarajatlari uchun pul talab qilgan. Qiz rad javobini bergach, u pichoq bilan tahdid qilib, sherigini yerga yiqitgan va bo'g'ishga uringan. Qiz o'z vaqtida onasiga qo'ng'iroq qilib, yordam so'rashga muvaffaq bo'lgan.
Voqea joyiga yetib kelgan Rossiya IIV xodimlari xorijlik fuqaroni qo'lga oldi. Hozirgi vaqtda uning Rossiya Federatsiyasidan deportatsiya qilinishi ehtimoli ko'rib chiqilmoqda.
