Rossiya Federatsiyasi Tergov qo'mitasining Irkutsk viloyati bo'yicha boshqarmasi xabariga ko'ra, Angarsk shahrida 37 yoshli mahalliy fuqaro pora berganlikda aybdor deb topildi. Sud jarayonida aniqlanishicha, erkak 2025-yilning oktyabr oyida Rossiya IIVning Angarsk shahar okrugi bo'yicha migratsiya masalalari bo'limi xodimiga pora taklif qilgan.
Ma'lum bo'lishicha, sudlanuvchi o'zining xorij fuqarosi bo'lgan turmush o'rtog'i uchun yashash ruxsatnomasini (VNJ) noqonuniy yo'llar bilan rasmiylashtirib berish evaziga politsiya xodimiga 200 ming rubl miqdorida pul taklif qilgan. Biroq, politsiya xodimi porani olishdan qat'iy bosh tortgan va bu noqonuniy harakat haqida o'z rahbarlariga xabar bergan.
Ushbu holat yuzasidan Rossiya Jinoyat kodeksining 291-moddasi 4-qismi «b» bandi (yirik miqdorda pora berish) bilan jinoyat ishi qo'zg'atilgan. Tergov davomida to'plangan dalillar sud tomonidan yetarli deb topildi.
Sud hukmiga ko'ra, ayblanuvchi 12 million rubl miqdorida jarimaga tortildi. Ushbu voqea xorijliklarning Rossiyada qonuniy maqom olishi uchun hujjatlarni rasmiylashtirishda faqat belgilangan tartib-qoidalarga amal qilish zarurligini yana bir bor eslatadi.
