Sankt-Peterburg politsiyasi xodimlari tomonidan 28 yoshli Markaziy Osiyo fuqarosi noqonuniy giyohvand moddalar savdosi bilan shug'ullanganlikda gumonlanib qo'lga olindi. Hodisa shaharning Udarnikov shoh ko'chasida sodir bo'lgan.
Shaxsiy tintuv jarayonida gumonlanuvchidan sotish uchun tayyorlangan yirik miqdordagi taqiqlangan moddalar musodara qilindi. Rasmiy ma'lumotlarga ko'ra, olib qo'yilgan moddalarning umumiy og'irligi qariyb 2 kilogrammni tashkil etadi.
Ayni paytda musodara qilingan moddalar tarkibini aniqlash uchun ekspertizaga yuborilgan. Mazkur holat yuzasidan huquq-tartibot organlari tomonidan jinoyat ishi qo'zg'atilgan.
Tergov-tezkor guruhi giyohvand moddalarning kelib chiqish manbalarini va ularni tarqatish kanallarini aniqlash bo'yicha surishtiruv ishlarini olib bormoqda.
