Sankt-Peterburgdagi «Ostrovskiy» chiqindi qayta ishlash majmuasi (KPO) 120 nafar xorijlik ishchini yollash bo'yicha loyihani amalga oshira olmadi. Loyiha doirasida Hindistondan migrantlarni jalb etish va ularga bir yillik ish vizasi, aviachiptalar hamda rasmiylashtirish xarajatlarini qoplash rejalashtirilgan edi. Ushbu maqsadlar uchun 17,8 million rubl miqdorida davlat xaridi e'lon qilingan edi.
«Nevskiy ekologik operatori» (NEO) vakillarining ta'kidlashicha, mazkur tashabbus migratsiya siyosatining kuchaytirilishi hamda Markaziy Osiyodan keladigan ishchi kuchi xarajatlarining oshishi fonida yuzaga kelgan edi. Kompaniya ishchilarni maxsus tajribasiz qabul qilish va ularni o'qitishni va'da qilgan bo'lsa-da, amalda bu rejalar amalga oshmadi.
Rasmiy ma'lumotlarga ko'ra, davlat xaridi bo'yicha tanlov aprel oyida yakunlangan bo'lsa-da, g'olib kompaniya nomi va ishchilarning kelmaganlik sabablari ochiqlanmagan. Hozirgi kunda «Ostrovskiy» majmuasida hindistonlik migrantlar ish boshlamagan va loyihaning taqdiri noaniqligicha qolmoqda.
