Rosstat ma'lumotlariga ko'ra, 2026-yilning iyun oyida Yoqutiston Respublikasida o'rtacha oylik ish haqi 155,8 ming rublni tashkil etdi. Bu ko'rsatkich Rossiya bo'yicha o'rtacha oylik ish haqidan (114,7 ming rubl) sezilarli darajada yuqori bo'lib, mintaqani mamlakatdagi eng yuqori maosh to'lanadigan 9 ta hudud qatoriga kiritdi.
Yoqutistondagi mehnat bozori tahlili shuni ko'rsatadiki, eng yuqori daromadli sohalar qatorida foydali qazilmalarni qazib olish (212 ming rubl), transport va saqlash (172,5 ming rubl) hamda professional, ilmiy va texnik faoliyat (164,5 ming rubl) yetakchilik qilmoqda. Shuningdek, qurilish sohasida o'rtacha ish haqi 157,7 ming rublni, moliya va sug'urta sohasida esa 154,4 ming rublni tashkil etgan.
Ta'kidlash joizki, mintaqadagi barcha sohalarda ham maoshlar bir xil emas. Xususan, qishloq, o'rmon va baliqchilik xo'jaligi sohalarida o'rtacha ish haqi 78,6 ming rubl atrofida qayd etilgan. Ish izlayotgan migrantlar uchun ushbu statistik ma'lumotlar mintaqadagi iqtisodiy vaziyatni baholash va ish tanlashda muhim qo'llanma bo'lishi mumkin.
Ma'lumot uchun, Rossiyada o'rtacha ish haqi 150 ming rubldan yuqori bo'lgan boshqa hududlar qatoriga Chukotka, Magadan, Yamalo-Nenets, Neneck muxtor okruglari, Moskva shahri, Saxalin, Kamchatka va Xanti-Mansiysk muxtor okruglari ham kiradi.
