Moskva shahrining shimoliy qismida joylashgan qurilish maydonchalaridan birida fojiali hodisa qayd etildi. Yakshanbaga o‘tar kechasi 3-Yamskoye pole ko‘chasidagi qurilish obyektida ishchi lift shaxtasiga qulab tushdi.
Ma’lumotlarga ko‘ra, vafot etgan shaxs 24 yoshli Markaziy Osiyo davlatlaridan birining fuqarosi bo‘lgan. U bino ichidagi lift shaxtasiga 10-qavat balandligidan yiqilgan.
Voqea joyiga yetib kelgan qutqaruv xizmatlari va shifokorlar ishchining hayotini saqlab qola olishmadi. Hozirda mazkur holat yuzasidan tegishli organlar tomonidan surishtiruv ishlari olib borilmoqda.
