Sankt-Peterburgdagi «Kolomyajskoye» aksiyadorlik jamiyati o'z korxonasida ishlayotgan 12 nafar Hindiston fuqarosi bilan mehnat shartnomasini 2027-yil oktyabr oyiga qadar uzaytirdi. Ushbu xodimlar o'tgan yili tajriba tariqasida ishga qabul qilingan bo'lib, ular ta'tildan qaytib, o'z ish faoliyatini davom ettirmoqda.
Korxona ma'muriyati hindistonlik ishchilarning mehnatidan qoniqish hosil qilganini va ular Rossiyadagi hayot hamda ish sharoitlariga moslashganini ta'kidlagan. Shunga qaramay, mazkur tajriba dasturini kengaytirish rejalashtirilmagan. Shahar Mehnat va aholi bandligi qo'mitasi ham Hindiston fuqarolarini jalb qilish bo'yicha yangi loyihalar yo'qligini ma'lum qildi.
Sankt-Peterburg kommunal sohasida ishchi kuchi yetishmovchiligi kuzatilmoqda, shaharda farroshlar shtati o'rtacha 15 foizga to'lmagan. Shu sababli, 2027-yil 1-yanvardan boshlab farroshlarning oylik maoshi 77 ming rubldan, mexanizatorlarniki esa 112 ming rubldan boshlanishi belgilangan. Shuningdek, 1,3 ming nafar xodim uchun bozor narxidan arzonroq bo'lgan tijorat ijara asosidagi uy-joylar taqdim etilgan.
Eslatib o'tamiz, 2025-2026-yillarda Sankt-Peterburgda xorijliklar uchun taksi, kuryerlik xizmatlari, savdo, tibbiyot va go'zallik salonlari kabi bir qator sohalarda ishlashga taqiqlar joriy etilgan edi. Biroq farroshlik kasbi bu cheklovlarga kirmaydi.
