Shuya shahar sudi prokuratura da’vosi asosida «Ivanovo viloyati Ivanovo shahri musulmonlari diniy tashkiloti» (rahbari Fyarit Lyapin) faoliyatini noqonuniy deb topdi. Tashkilot Shuyaning Vokzal maydoni, 4-uy manzilida joylashgan avtovokzal binosi, bufet va unga tutash yer maydonidan cheklanmagan shaxslar doirasi uchun ommaviy hamda jamoat xarakteriga ega bo‘lgan diniy marosimlar va ibodatlarni (namozlarni) amalga oshirish obyekti sifatida foydalanib kelgan.
Ushbu bino Shuyadagi temir yo‘l vokzali va perroniga tutashgan bo‘lib, temir yo‘l hududida joylashgan va hozirda o‘z vazifasi bo‘yicha avtovokzal sifatida ishlatilmayotgan edi.
Ivanovo musulmonlar tashkiloti bu yer va binoni Rossiya temir yo‘llari (RJD) kompaniyasidan sotib olgan. Shundan so‘ng obyektlar o‘zini imom deb ataydigan Burxoniddinzoda Said ismli shaxsga ijaraga berilgan. U bu yerda Tojikiston va O‘zbekistondan kelgan muhojirlar (migrantlar) uchun namozlar va yoshlar bilan suhbatlar tashkil qilib kelgan.
Sudda javobgarlar prokuratura bunday da’vo bilan sudga murojaat qilish huquqiga ega emasligini hamda o‘zlarining xususiy mulki va binolarida nima ish qilishlari hech kimga daxldor emasligini ta’kidlashgan. Biroq sud ushbu diniy faoliyatni baribir noqonuniy deb topdi va taqiqladi.
