Okrug Dumasi Yugradagi oilalarni qo‘llab-quvvatlash to‘g‘risidagi qonunga tuzatishlar kiritdi. Endilikda ko‘p bolali oilalar uchun beriladigan nafaqalarni faqat Rossiya Federatsiyasi hududida Rossiya fuqarosi maqomida kamida 5 yil davomida doimiy yashayotgan fuqarolargina olishi mumkin bo‘ladi.
"Qonun loyihasi ko‘p bolali oilalarga beriladigan ayrim ijtimoiy qo‘llab-quvvatlash choralarini ko‘rsatish shartlariga tuzatish kiritishni nazarda tutadi. Unga ko‘ra, to‘lovlarni olish uchun ariza beruvchi nafaqat Rossiya Federatsiyasi fuqarosi bo‘lishi, balki mamlakat hududida kamida besh yil davomida Rossiya fuqarosi maqomida yashab kelgan bo‘lishi shart", — deya tushuntirdi Yugra ijtimoiy rivojlanish departamenti direktori vazifasini bajaruvchi Irina Moldanova.
Qabul qilingan ushbu o‘zgartirishlar muayyan toifalarga taalluqli emas. Masalan, maxsus harbiy operatsiya ishtirokchilari va ularning oilalari, shuningdek, jangovar harakatlar faxriylari bundan mustasno. Ular Rossiya fuqaroligini qachon olganidan qat’i nazar, ijtimoiy yordam pullarini olishlari mumkin.
